صدى صوتي

مع ان الحــظ يزرعنـــي ورق تثـــمر عيـــوني حبـر

واصب الشعر بشفاة الضماء واشرب صدى صوتي

تعبــت اتلــحف اظلال الــورق بين القــهر والصـــبر

وعشــان الله يجـيب الصــبر لازم يكـــثر سكــوتي

هــنــيالك قــدرت تكــون مــاضــي يارمــــاد القــبر

هــنيالي قـــدرت اكـــون حاضر وســــط تابـــوتي

يابـــرد الليل وســـدني مســافات الحكي لو شبر

وانا بحـــلم على عكـــس الخيال واجـــمع بيـــوتي

مــدينه لونها بلــون الســماء وعيـــوني اللـي غبر

مع ان الارض ســـوداء والمســــافه ضيعت قوتي

امد ايدي واشوف الشمس ساحت من جفوني عبر

ولا عبـــر اي حــــاجه قلت لك الســـالفه مـــــوتي

تكسر هالشــعور وقلــــت يمكن في كســوره جبر

وتجبر هالشــــعور وانكسر ضعـــفي وجبـــــروتي

وانا اللي شفت حلــمي ياغيـــوم الالسنه في كبر

ولا كبر اي حـــــاجه خلني اشرب صــــدى صــوتي